اللهم إني أتبرأ من حولي وقوتي والتجأ إلى حولك وقوتك. اللهم أعني ولا تعن علي، وأنصرني ولا تنصر علي، واهدني ويسّر الهدى لي. اللهم افتح لنا باب رزقك وبارك لنا فيه.

قصص قصيره قصة حموده ومحل التخفيضات من القصص اليمنية الصنعانيه قصص يمنيه

قصص قصيره قصة حموده ومحل التخفيضات من القصص اليمنية الصنعانيه قصص يمنيه

قصص حموده وقصص فاطمه نقدم لكم اجمل القصص القصيرة من القصص الصنعانيه اليمنية من قصص فاطمه علي وقصة محل التخفيضات ومغامرات حموده في اجمل القصص الترفيهية والفكاهية والنكت اليمنية من اجمل القصص التي ممكن ان تقرأها لمن يعرف اللهجة الصنعانية عبر موقعنا الصفحة العربية مع قصص حموده من تأليف فاطمه علي .

 

قصة حموده ومحل التخفيضات 2023

امس اتصلت لي اعز خبيره

قالت يا فطوم قلبي لو تبسري لقيت محل فيه تخفيضات و فساتين روعه تجنن بكري غدوه شلي لش واحد?قلت لكن انا مريضه?وحراف

قالت ان شاء الله تقومي وانتي اشكل

قصص فاطمه علي
قصص صنعانيه

والزلط دبريها من عند عمتش قعي ذكية لاتضيعي الفرصه?قلت ابردي العافيه اول ولاعد اشتي شي

قالت طز فيش هتندمي

وجلست تشرح لي على الفساتين وجمالهن?المهم طفيت التلفون وتمددت وبين اجابر نفسي على الفساتين قلت يارب اقوم وانا اشكل?وذكرت الزلط

قلت مابش غير عمتي اسير اتريحم عندها?ما ابسرني زوجي الا حن قمت

قال مابه?قلت اسير ابسر عمتي فقدتهم?قال شكل الحمى اثرت عليش عذاا خرجت من عندش

اشربي حبة وختمدي?فعلت نفسي ولا سمعت شي

نزلت وانا بين اسوم دقيت على عمتي

قامت قالت ?مالش او مريضة نسعفش

قلت مابلا جيت احاكيكم?لوتبسروا به تخفيضات الفستان ابو خمسين بالف?بزت يدها وبتعسني قالت يوه حمى ?قلت ماهو حمى قدنا اشكل اسمعوني من صدق بين احاكيكم?اشتي تدبروا لي خمسه الف سلف

قالت ?منينه

قلت انافدالش ياعمه احسب الله وانتو شليتوني المستشفى عتدي الخمسه الالف وعادنتي في الباب? وبعداا سلف?

قالت خلاص اطلعي ابسري صورتش كيف قد انتي? والصبح لاقمتي اشكل اعرفي زلط?طلعت وانا فارحه

دخلت تحت البطانيه

وزوجي كان يدوي ولادريت ما قال حسي عند الفستان?رقدت ونكزت خيرات ابسر الساعه كودن اذن قمت صليت وجلست اراعي لصبح…فتحت البردات وقلت لزوجي راقد لاذلحين الساعه عشر?قال عشر

وانتبز وانا قربت له الصبوح

خطي بيسر التلفون وانا عاد الساعه 7 قال عادهيه 7

فعلت نفسي مستغربه. قلت انا بسررتها وهيه عشر

قال بين اقل لش ان الحمى اثرت???هيا اصتبحي قد عتموتي

قلت ماشتيش ولاشي قانعه من الدنيا

بس مدري مالي فاقده لحموده?وبين اقل لبني اصتبح بسرعه نسير عند عمتك حموده دوره?انفخ بعد المرض

قال زوجي ارجعي ارقدي ريح وبرد عتنتكسي قلت?بالعكس المرض يشتي حركه قريت امس في الانترنت

طننن..واساع الذي افتجع قصده قد عدموت??لما بين افقد حموده? وانا خطيت لبست البالطو وحملت شليت الزلط

وزد عمتي ادت الف اشتري لها قلاصات….كان تقل حاليات من الغلاض الذي مايتكسرينش..قلت ولاعليكم?…شليت الزلط….وحمله لاعند حموده ….وقد اتفقنا من العشي ….قالت?يوه. كيف قد صورتش جي غر نشتري لش بها عصاير يرجع روحش

قلت هيا اقطبي. ..مش وقت العصاير

طلعنا باص وحمله لاعند التخفيضات…..وصلت

قلت الله يجننن

وذيك الرجال فرح

وكان يخرج من المخزن ولا فوقي وانا ماعد دريت ما اختار….جمعت اجي عشره الحالايات?قلت له بكم قال بميه??حملت حظنت حموده من الفرحه

قلت بسرتي على رخص

والرجال قدوه مشخر فارح

قلت زد ادي خمسه

قلت وهولا بكم قال بخمسين?حملت حضنت حموده مره ثانيه

من الفرحه. ….??

قالت حموده الله يزكيش عقلش هيا اوبهي تحظني الرجال??? ما تفعلي بهولا كلهن..

المهم جت مره بتبايعه.على فستان قال لها بعشره قالت ماهو بعشره بخمسه

قلت لها حرام عليش بالعشره رخيص…قال لها ابسري الزباين الذي يقدروا?..عددت له خمسه الف ومارضيش قالت كله عملش امس اشتريت اخوه بخمسه?

وحموده ضحكت????

وانا شلوني جمعت حسي?

قلت لرجال وان انت نصاب

يعني كان عتضحك عليا وتبيع لي من عشره وهن من خمسه????قال لاتصدقي لها

بزيت واحد ومكنته خمسه ولارضي

قال ابو خمسه الذي جنب الباب…وقدوا اخر حبه.قالت حموده هذا عريض وطويل…..قلت سهل عد اسبره اهم شي رخيص?وما اروحش عطل

رجمت له الزلط قال وهولا قلت لماتبطل نصب??????خرجت وان واحد صاحب عربيه بيصيح خواتم بميه?

قلت بكم قال بميه قرش قلت متاكد?قال الله المستعان 100 ريال يانعمتاه?وكلهن الخواتم على شكل شنب

شليت جميع الشنبات ومكنته الف وحملت ونسيت قلاصات عمتي ?وحموده مدري كيف لها عاقله ولا اشترت شنب روحت

وعمتي مراعيه…قالت اسكه مشتريتي

حملت لبست الفستان ولبست الخواتم.

ونزلت وسومت وتشعكلت لاعند ارجل عمتي???ووريتها اايدييي اابسري شنب احمر واصفر واخضرووازرق وبني وانتي شلي لش البنفسجي وننسي القلاصات واهجعي امانه لاتجغري فرحتي??

X

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *