اللهم إني أتبرأ من حولي وقوتي والتجأ إلى حولك وقوتك. اللهم أعني ولا تعن علي، وأنصرني ولا تنصر علي، واهدني ويسّر الهدى لي. اللهم افتح لنا باب رزقك وبارك لنا فيه.

قصة المريض والمستشفى : قصص انسانية واقعية بطريقة كوميديه : قصص يمنية من قصص قصيره ” فاطمة علي “

قصة المريض والمستشفى : قصص انسانية واقعية بطريقة كوميديه : قصص يمنية من قصص قصيره ” فاطمة علي “

قصة المريض والمستشفى : قصص انسانية واقعية بطريقة كوميديه : قصص يمنية من قصص قصيره ” فاطمة علي ” من القصص الجديدة للكاتبة الرارئعه فاطمة علي اليمنية , وتحكي اليوم حول حول قصة تحصل كل يوم في المستشفيات سواء في اليمن او خارج اليمن , والتعامل من قبل الدكاتره وادارة المستشفيات امام المرضى بطريقة سيئة وبعيده كل البعد عن المهنة الطبية الذي يجب ان يتحلى بها كل طبيب امام المرضى.

يوم. مدري ماطلعت عمتي تفعل في الجباء قمت الصبح اصبح العيال عيسيرو المدرسه وبين ابسرها نازليه من الدرج…..قلت ماقد قمتو تفعلوا من ذلحين?ماكملت الحكايه الا ومدري كيف طحست?? وعلى راسها وانا نكعت بطوني ويبست بقعتي … ??كنت اصيح ياغارتاه. ….قام زوجي??قال مابه قلت.نكعت من الدرج ??كان يهزها وانا ارشها بالماء ولا زاغ عقله حمل لبس و. ?? بزيناها لسياره واسعفناها لاقرب مستشفى خاص

قصة المريض والمستشفى

دخلنا وحنا قد عد. تزيغ عقولنا وانا بين اعدد??? وزوجي قد لقفه يابس على امه?

وصلنا وبه ممرضه ساع القمري وتيك البالطوا مدري كيف لبستها مزروره قوي? والاضافير الطوال المسبغه والمسكره والكحل ايحين استبكت هذه السبكه من صباح الصبح ? المهم حجاب الله عليها حريوه?وماسكه التلفون. …قلت ???يادكتوره جار الله وجارش عمتي نكعت من الدرج???ردت ببردود لحظه لماا يجي الدكتور?قلت اسعفيها بالاكسجين المهم اول تفوق?قالت للاسف مابش اؤكسجين معانا?وان قد جاء الدكتور بيمشي مشيت الخيلا? وكأن ماعد بش في الارض دكتور ساعه مشى من جنبنا سريع وكأن احنا حشرات ما يسبرش يقل لنا السلام عليكم والاصباح الخير والا سلامات مابه

حمل زوجي بعده بيحاكيه وهو ما كلفش نفسه يسنب دقيقه يسمع ما بيقله?قلت يمكن ان الدكتور هذا يهودي والا نصراني ما بيدريش مابيقله زوجي….سحبت الحريوه?قصدي الممرضه

قلت جي حااكيه الظاهر ما بيفهمش مابيقله زوجي?اقرب لاجنبه وانو بيتحاكي ساعنا….??قلت يادكتورر ابسروا ماتفعلوا لعمتي عتموت?قال افعلوا لها فحوصات وبعدا ننقلها لمستشفى ثاني نفعلها اشعه مقطعيه?قلت نشلها ذلحين ونفعل كل شي هاناك?قال ماعينفعش لازم فحوصات….قلت فحوصات مه مشيه واحمه هذه عحوزنكعت من الدرج

قال?ذلحين من الدكتور انا والا انتي? قلت انا وللمه بتنخط هكذا والله لوقد الموت والحياه في يدك ما تتخايا نفسك هكذا

اين الانسانيه

اين الرحمه

اين اليمين.الذي حلفته?…يعني لاقدنت دكتور تستهين بالناس هكذا ما تنازلتش حتى تبسر صليها?تشتي تخرطنا زلط بس و فحوصات على الفاضي

هولا قد درسناهن قد ظهر لي للمه بيسيروا الناس يتعالجوا في الخارج من حلاكم

هيا قوم نشلها مستشفى ثاني?طلعنها فوق السياره وشلينها مستشفى حكومي

وصلنا الطوارى وبه حوادث وجرحى وجلاطات???مراجمين وبه صياح وبكاء ?قلت ياغارت الله والفعله…..يارب لطفك بعبادك حملت هزرت واحده قلت جي ابسري عمتي مالها? نكعت من الدرج قالت لحظه?قلتت ادعوا لنا دكتور والا طلعوها العنايه

قالت مابش كرسي??ابسري كم يا حالات قبلش قلت كان ادعي لنا دكتور يبسرها??

قلت هذه ارواح تشتي قلوب رحيمه للمه قد نزع الله الرحمه من قلوبكم???انقذوها اول افعلوا لها اي حاجه ياغارتاه ولا حد جاوب ????حملنا طلعنها وشلينها مستشفى خاص ضخم وصلنا. …قالوا ادفعووا ميتين الف? تحت الحساب ونطلعها على طول العنايه….قلت اول دخولها انقذوها?وزوجي عيروح يدي الزلط

قالوا لايمكن

قلت دخولها واحجزوني انا وهيه لما يدي الزلط

قالو لا يمكن?? قلت جار الله وجاركم انقذوها وحقكم عيجي ?قالو معاكم سياره اطرحوها رهن?غير هذا مانقبلش قلت امركم. الى الله??? المسكين اين يسير??يارب رحمتك ارحمنا والاتولي علينا هولا القلوب القاسيه

مالنا غيرك يارب??

ما ابسرت عمتي الا حن فتحت عيونها?قلت يو ه لك الحمد يارب

يوه جنه ملان الدنيا. ..يارب ماعظمك واكرمك ??عمه كيف انتو

قالت فاطمه?للمه بتبكي

وانا مابين افعل هانا ???قلت بين ابكي من هولا الجزارين? قالت وماديتوني افعل في المجزره?????قلت…..صدقتي ياعمتي

فعلا مجزره?????فاطمه علي

 

X

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *